ڈھاکا(اےبی این نیوز)بنگلادیش پریمیئر لیگ کی ٹیم ڈھاکا کیپیٹلز کے کوچ محبوب علی ٹریننگ کے دوران دل کا دورہ پڑنے سے انتقال کر گئے۔
بنگلادیشی میڈیا کے مطابق محبوب علی میچ سے قبل گراؤنڈ میں کھلاڑیوں کو ٹریننگ کروا رہے تھے کہ اسی دوران انہیں دل کا دورہ پڑا جو جان لیوا ثابت ہوا۔
میڈیا رپورٹس میں بتایا گیا ہے کہ محبوب علی کو گراؤنڈ میں سی پی آر دی گئی مگر وہ جانبر نہ ہوسکے، ڈھاکا کیپیٹلز کے اسسٹنٹ کوچ کو گراؤنڈ سے ایمبولینس کے ذریعے اسپتال منتقل کیا گیا جہاں انہیں جاں بحق قرار دیا گیا۔
بنگلادیش پریمیئر لیگ میں آج سلہٹ میں ڈھاکا کیپیٹلز اور راج شاہی وارئیرز کے درمیان میچ کھیلا جا رہا ہے۔
مزید پڑھیں۔پنجاب حکومت کا بڑا اقدام، امام مسجد صاحبان کو ماہانہ 25 ہزار روپے اعزازیہ
