اسلام آباد ( اے بی این نیوز ) پاکستان کرکٹ بورڈ (پی سی بی) نے پاکستان سپر لیگ (پی ایس ایل) کی 2 نئی ٹیموں کی فروخت کے لیے جاری کیے گئے ٹینڈر کے نتائج کا اعلان کیا ہے، جو غیر معمولی اور حوصلہ افزا قرار دیے گئے ہیں۔
پی سی بی کے مطابق مقررہ مدت کے دوران دنیا کے پانچ براعظموں سے 12 پارٹیوں نے باضابطہ طور پر بڈز جمع کروائے۔ ان ممالک میں امریکا، آسٹریلیا، کینیڈا، متحدہ عرب امارات (یو اے ای) اور پاکستان شامل ہیں، جو پی ایس ایل کی عالمی مقبولیت اور کشش کا واضح ثبوت ہیں۔
بڈنگ کے اس مرحلے کے نتائج 27 دسمبر کو جاری کیے جائیں گے، جس کے بعد ٹیکنیکلی کوالیفائیڈ بڈرز کو اوپن کمپیٹیشن کے ذریعے دو نئی ٹیمیں خریدنے کا موقع دیا جائے گا۔ یہ حتمی مرحلہ 8 جنوری کو اسلام آباد کنونشن سینٹر میں منعقد ہوگا۔پی سی بی کا کہنا ہے کہ یہ عمل شفاف، مسابقتی اور عالمی معیار کے مطابق ہوگا تاکہ پاکستان سپر لیگ کی توسیع، معیار میں بہتری اور عالمی سطح پر ترقی کو یقینی بنایا جا سکے۔
مزید پڑھیں :نادرا کی جانب سے نئی سہولت کا آغاز
