اسلام آباد(اے بی این نیوز)ملک گیر بلیک آؤٹ کی تحقیقات مکمل۔ نیشنل گرڈ کمپنی اور سی پی پی اے ذمہ دار قرار، جرمانہ عائد۔ نیپرکے فیصلہ کے مطابق دونوں کمپنیوں نے ذمہ داری ایک دوسرے پر ڈالنے کی کوشش کی۔ نیپرا نے چار سال قبل ہونے والے ملک گیر بلیک آؤٹ کے حوالے سے تفصیلی فیصلہ جاری کیا۔
نیشنل گرڈ کمپنی اور سی پی پی اے کو بروقت بجلی بحال نہ کرنے کا ذمہ دار قرار دے دیا۔ نیشنل گرڈ کمپنی اور سی پی پی اے پر،ڈھائی،ڈھائی کروڑ روپے جرمانہ عائد کر دیا گیا۔ 9 جنوری 2021 کو ملک بھر میں 20 گھنٹے تک بجلی معطل رہی۔ بلیک آؤٹ کے بعد فوری طور پر بحالی کا عمل مکمل طور پر ناکام رہا ۔
2021، 2022 اور 2023 کے دوران بھی بجلی بندش کے متعدد واقعات سامنے آئے۔ بجلی کی طویل بندش میں دونوں کمپنیوں کی ناقص کارکردگی ثابت ہوئی۔ اتھارٹی نے بلیک آؤٹ کے معاملے پر تحقیقاتی کمیٹی تشکیل دی تھی۔ نیشنل گرڈ کمپنی اور سی پی پی اے نیپرا کو مطمئن کرنے میں ناکام رہیں۔
دونوں کمپنیوں نے ذمہ داری ایک دوسرے پر ڈالنے کی کوشش کی۔ دونوں اداروں کو پندرہ روز کے اندر جرمانہ ادا کرنے کا حکم دیا گیا ہے۔
مزید پڑھیں :مائنس عمران خان کوئی بات چیت نہیں ہوگی،شیخ وقاص اکرم
