کولمبو (اے بی این نیوز) سری لنکا سمندری طوفان دتوا کے زیر اثر شدید بارشوں اور تباہ کن سیلابی صورتحال سے دوچار ہے۔ مختلف علاقوں میں سیلاب اور لینڈ سلائیڈنگ نے بڑے پیمانے پر تباہی مچادی ہے اور ہلاکتوں کی تعداد بڑھتے بڑھتے 334 تک پہنچ گئی ہے۔

حکام کے مطابق بارشوں، سیلاب اور ڈیم ٹوٹنے کے باعث اب تک 2 لاکھ سے زائد افراد بے گھر ہو چکے ہیں جبکہ مجموعی طور پر 10 لاکھ سے زیادہ لوگ متاثر ہوئے ہیں۔ مختلف رپورٹس میں پہلے 212 اور پھر 334 ہلاکتوں کی تصدیق کی گئی، جبکہ لاپتہ افراد کی تعداد 218 سے بڑھ کر 400 تک جا پہنچی ہے۔

کولمبو سمیت متعدد شہروں میں سیلابی پانی میں اضافہ جاری ہے جس کے باعث نشیبی علاقوں سے لوگوں کا انخلا تیزی سے ہو رہا ہے۔ متاثرہ علاقوں میں ریسکیو اور امدادی کارروائیاں جاری ہیں، تاہم مسلسل بارشیں مشکلات میں اضافہ کر رہی ہیں۔ حکام کا کہنا ہے کہ صورتحال اب بھی خطرناک ہے اور متاثرین کی بحالی کے لیے ہنگامی اقدامات کیے جا رہے ہیں۔

مزید پڑھیں :پولیس پوسٹ پر حملہ، 2 اہلکار شہید، 4 خوراج ہلاک