لاہور(اے بی این نیوز)پنجاب حکومت کے نوٹیفکیشن کے بعد صوبے کی تمام 41 شوگر ملز نے کرشنگ کا آغاز کر دیا۔

نجی چینل کے مطابق کین کمشنر کے ذرائع کا کہنا ہے کہ لاہور کی باقی 12 ملوں نے کسانوں سے گنا خریداری اور کرشنگ شروع کر دی، چینی کی بازار میں نئی سپلائی آنے سے قیمتوں میں 10 روپے تک فوری کمی کا امکان ہے۔

ذرائع نے مزید بتایا کہ کرشنگ سے چینی کی بلیک میں فروخت اور مصنوعی قلت کا خاتمہ ہو سکے گا۔

واضح رہے کہ قبل ازیں کین کمشنر نے حکومتی ڈیڈلائن پر کرشنگ کا آغاز نہ کرنے والی شوگر ملز کے خلاف کارروائی کا اعلان کیا تھا۔

دوسری جانب چیئرمین کسان اتحاد نے الزام عائد کیا ہے کہ ملز مالکان تاخیر سے کرشنگ شروع کرکے کسانوں سے سستے داموں گنا خریدنے کی کوشش کریں گے۔

مزید پڑھیں۔ڈاکٹر عافیہ صدیقی سے متعلق کیس میں اہم پیشرفت