جہلم (اے بی این نیوز) وزیر اعلیٰ پنجاب مریم نواز کی گرین ٹریکٹر سکیم کے تحت 39 کسانوں میں سبز ٹریکٹر تقسیم کئے گئے۔
جہلم میں کسانوں میں ٹریکٹر تقسیم کرنے کی تقریب منعقد ہوئی اور وزیر مملکت برائے خزانہ بلال اظہر کیانی نے جہلم، دینہ اور سوہاوہ میں ٹریکٹر تقسیم کئے۔
انہوں نے 39 کسانوں میں سبز ٹریکٹر تقسیم کئے۔ تقریب سے خطاب کرتے ہوئے بلال اظہر کیانی نے کہا کہ پنجاب میں کسانوں کو ٹریکٹر سبسڈی دے کر زراعت کو ترقی دی جا رہی ہے، ای مکینائزیشن کا عمل پنجاب میں زراعت کے نئے دور کا آغاز ہے، کسانوں کی ترقی زراعت اور پاکستان کی ترقی ہے۔
انہوں نے کہا کہ زراعت پاکستان اور صنعتی ترقی میں ریڑھ کی ہڈی کی حیثیت رکھتی ہے۔ سپر سیڈرز سمیت جدید زرعی مشینری کا استعمال صوبے میں جدید زراعت کو فروغ دے رہا ہے۔ وزیراعظم کی توجہ نوجوانوں کو روزگار کی فراہمی اور قومی اقتصادی ترقی پر مرکوز ہے۔
مزید پڑھیں:سری لنکا کا پاکستان کو جیت کے لیے 212 رنز کا ہدف
