کراچی(اے بی این نیوز)پولیس کا رات گئے سرچ آپریشن، غیر قانونی طور پر مقیم افغان باشندے زیر حراست
کراچی میں سچل تھانےکی حدود میں ابو الحسن اصفہانی روڈ پر پولیس نے سرچ آپریشن کرکے غیر قانونی طور پر مقیم 10 سے زائد افغان باشندوں کو حراست میں لے لیا۔
پولیس کی بھاری نفری نے رات گئے ابو الحسن اصفہانی روڈ پر واقع رہائشی عمارت کے فلیٹوں میں تلاشی لی، آپریشن کے دوران لوگوں کے شناختی کوائف چیک کیےگئے، اس دوران متعدد افغان باشندوں کو حراست میں لیاگیا۔
پولیس کاکہنا ہے کہ حراست میں لیےگئے افراد کے شناختی کوائف پورے نہیں تھے، کریمنل ریکارڈ چیک کرنے کے لیے انہیں تھانے منتقل کردیا گیا۔
پولیس نے بتایا کہ یہ آپریشن غیر قانونی طور پر مقیم افغان باشندوں اور جرائم پیشہ افراد کی تلاش میں کیا گیا۔ آپریشن کے دوران داخلی و خارجی راستے سیل کیےگئے۔
مزید پڑھیں۔ترکیے کا سی 130 فوجی کارگو طیارہ جارجیا میں گر کر تباہ، عملے سمیت 20 افراد سوار تھے
