پشاور(اے بی این نیوز)پاک افغان سرحد پر افغانستان کی جانب سے بلا اشتعال فائرنگ کے بعد پاکستانی فورسز نے بھرپور جوابی کارروائی کرتے ہوئے 19 افغان پوسٹوں پر قبضہ کر لیا۔
سکیورٹی ذرائع کے مطابق پاک فوج کی جانب سے افغانستان کی بلا اشتعال فائرنگ پر رات گئے سے بھرپور جوابی کارروائی کی جارہی ہے۔
سکیورٹی ذرائع کے مطابق پاکستان نے جوابی کارروائی کرتے ہوئے افغانستان کی 19 پوسٹوں پر قبضہ کرلیا ہے، جہاں سے پاکستان پر حملے کئے جا رہے تھے۔
سکیورٹی ذرائع کے مطابق ان پوسٹوں پر موجود متعدد افغان طالبان ہلاک یا فرار ہوچکے ہیں۔ کئی افغان فوجی لاشیں، یونیفارم اور ہتھیار چھوڑ کر فرار ہوئے۔
طالبان سپاہی کی پاک فوج کے سامنے سرنڈر کرنے کی ویڈیو بھی سامنے آگئی ہے، افغانستان پاکستان سے بھاری جوابی کارروائی روکنے کی درخواستیں کررہا ہے۔سکیورٹی ذرائع کے مطابق افغان فورسز کے خلاف پاک فوج کی یہ بڑی اور اہم کامیابی ہے۔
مزید پڑھیں: پاکستان کے مختلف شہروں میں آج اتوار12 اکتوبر2025 موسم کی تازہ ترین صورتحال
