اسلام آباد( اے بی این نیوز) نائب وزیراعظم و وزیر خارجہ اسحاق ڈار اور ایرانی وزیر خارجہ عباس عراقچی نے ٹیلیفونک گفتگو میں مصر کے شہر شرم الشیخ میں ہونے والے سربراہی اجلاس کے حوالے سے تبادلہ خیال کیا۔
وزارت خارجہ کے ترجمان کی جانب سے جاری بیان کے مطابق نائب وزیراعظم اور وزیر خارجہ اسحاق ڈار نے آج ایرانی وزیر خارجہ عباس عراقچی سے ٹیلی فونک گفتگو کی۔
بیان میں کہا گیا ہے کہ دونوں وزرائے خارجہ نے خطے کی حالیہ پیش رفت بالخصوص غزہ اور فلسطین کے حوالے سے تبادلہ خیال کیا۔
وزارت خارجہ کے مطابق اسحاق ڈار اور عباس عراقچی نے خطے میں امن و استحکام کے فروغ کے لیے مسلم ممالک کی مشترکہ کوششوں پر تبادلہ خیال کیا اور مصر کے شہر شرم الشیخ میں ہونے والے سربراہی اجلاس کے حوالے سے بھی تبادلہ خیال کیا۔
مزید پڑھیں:افغان وزیر خارجہ کی پریس کانفرنس میں بھارتی خواتین صحافیوں کو شامل نہ کرنے پر مودی پر کڑی تنقید
