لاہور( اے بی این نیوز     )سیلابی نقصانات کم کرنے کیلئے پاکستان انجینئرنگ کونسل کا بڑا اقدام۔ پاکستان انجینئرنگ کونسل نے قلیل اور وسط مدت کے فریم ورک پر کام شروع کردیا۔
پی ای سی کی جانب سے ماہرین کی اعلی سطحی راؤنڈ ٹیبل کانفرنس کا انعقاد۔

عالمی ماہرین، وفاقی و صوبائی افسران اور ڈونر ایجنسیوں کے نمائندگان کی شرکت۔ کانفرنس میں سیلابی چیلنجز پر قابو پانے کیلئے جامع حکمت عملی پر مشاورت۔ پی ای سی نے قلیل المدتی 12 ماہ کا ایکشن پلان تیار کرنے کا عمل شروع کر دیا۔
ایک سے تین سال پر محیط وسط مدتی حکمت عملی بھی فریم ورک کا حصہ ہوگی۔ منصوبوں کا مقصد ہنگامی ردعمل کے بجائے مؤثر اور مربوط نظام اپنانا ہے۔ فریم ورک سے کمیونٹیز، روزگار اور بنیادی سہولیات پر سیلابی اثرات کم ہوں گے۔
سیلاب کے نقصانات سے زرعی پیداوار اور فوڈ سکیورٹی کو تحفظ دینے کا ہدف ایکشن پلان کا حصہ ہوگا۔ ماہرین کے مطابق معیشت پر سیلابی دباؤ کم کرنے کیلئے پیشگی حکمت عملی ضروری ہے۔ چیئرمین پی ای سی انجینئر وسیم نذیر نے کہا کہ
موجودہ صورتحال میں اداروں کو معمول سے ہٹ کر کام کرنا ہوگا۔ 2026 اور اس کے بعد کے برسوں کیلئے سیلاب ریزیلینس فریم ورک تیار کیا جا رہا ہے۔ انجینئرنگ کونسل حکومت اور اداروں کے ساتھ قریبی اشتراک کیلئے پرعزم ہے۔
آئندہ سالوں میں سیلابی نقصانات میں نمایاں کمی لانے پر توجہ مرکوز کررہے ہیں۔ فریم ورک میں زراعت، مویشی اور عوامی معیشت کو بچانے کیلئے اقدامات تجویز کیے جائیں ۔ ماہرین کی آراء پر مشتمل ایکشن پلان تیار کرکے عملدرآمد کیلئے حکومت کو بھیجا جائے گا۔

مزید پڑھیں :توشہ خانہ ٹو کیس کی سماعت آج،عمران خان ،بشریٰ بی بی پیش ہو نگے