کراچی (اے بی این نیوز) بی آئی ایس پی کے کفالت اقدام کے تحت مستحق خاندانوں کا چار سہ ماہی قسطوں کی بنیاد پر امدادی رقم فراہم کی جاتی ہے۔
بینظیر انکم سپورٹ پروگرام کے تحت مستحق خاندانوں کو سالانہ 54 ہزار روپے کی نقد امداد 13،500 روپے کی چار سہ ماہی اقساط میں فراہم کی جاتی ہیں۔ تین اقساط رجسٹرڈ خاندانوں کو مل چکی ہیں اور چوتھی قسط سے متعلق نئی اپ ڈیٹ آ گئی ہے۔
بی آئی ایس پی کے تحت 13،500 روپے کی رواں برس 2025 کی آخری سہ ماہی قسط کے اجرا کا آغاز ماہ اکتوبر سے کیا جا رہا ہے۔اکتوبر تا دسمبر کی سہ ماہی قسط ہر علاقے میں مختلف اوقات کے ساتھ ضلع سطح پر جاری کی جائے گی۔
بی آئی ایس پی سے مستفید ہونے والے اپنے 13 ہندسوں پر مشتمل CNIC نمبر کو آفیشل کوڈ 8171 پر بھیج کر 13,500 روپے کی اپنی قسط کا اسٹیٹس چیک کر سکتے ہیں۔
انہیں ان کی ادائیگی کی صورتحال کےساتھ فوری جواب موصول ہوگا۔واضح رہے کہ بینظیر انکم سپورٹ پروگرام 2008 میں شروع کیا گیا تھا جس کا مقصد خواتین کو مالی طور پر با اختیار بنانا تھا۔ تازہ ترین اعداد وشمار کے مطابق ملک بھر میں تقریباً 10 ملین مستحق خاندانوں کو مالی امداد فراہم کی جاتی ہے۔
رواں برس وزیراعظم شہباز شریف نے باضابطہ طور پر بینظیر انکم سپورٹ پروگرام کے تحت ڈیجیٹل والٹس اور سم کی فراہمی کا بھی آغاز کیا تھا۔ اب حکومت کی جانب سے رقم کی ادائیگی کی منتقلی کے بعد مذکورہ افراد کا بیلنس خودبخود ان کے بی آئی ایس پی ڈیجیٹل والیٹ میں ظاہر ہو جاتا ہے۔
مزید پڑھیں: ایمان مزاری کیس،فیصلہ محفوظ
