اسلام آباد(نیوزڈیسک)محکمہ موسمیات کے مطابق آج اسلام آباد ، پنجاب، بالائی خیبر پختونخوا اور کشمیر کے چند مقامات پر بارش متوقع ہے۔

اس کے علاوہ کراچی سمیت سندھ کے ساحلی علاقوں میں مطلع جزوی ابر آلود رہنے کے علاوہ ہلکی بارش و بونداباندی کی توقع ہے۔

مون سون بارشوں کا ساتواں اسپیل 13 اگست سے شروع ہو گا۔

دوسری جانب بھارتی ڈیم سے پانی کے اخراج اور بارشوں کے سبب دریائے چناب میں مرالہ،خانکی ،قادرآباد بیراج پر درمیانے سے اونچے درجے کے سیلاب کا امکان ہے۔

فلڈ فورکاسٹنگ ڈویژن لاہور نے الرٹ جاری کر دیا ہے۔ادھر چناب اور ملحقہ ندی نالوں میں آیندہ 12 گھنٹوں میں درمیانے سے اونچے درجے کے سیلاب کا امکان ہے ۔