اسلام آباد(اے بی این نیوز)ہفتہ کے روز ملک کے بیشتر علاقوں میں مطلع جزوی ابر آلود اور حبس رہنے کا امکان ۔ تا ہم بالائی /جنوب مشرقی سندھ ، وسطی /جنوبی پنجاب ، شمال مشرقی/جنوبی بلوچستان ،کشمیر اور بالائی خیبر پختونخواہ میں چند مقامات پر تیز ہواؤں اور گرج چمک کے ساتھ بارش کی توقع۔
ہفتہ کے روز سندھ ، جنوبی پنجاب ، کشمیر ، شمال مشرقی/جنوبی بلوچستان اور بالائی خیبر پختونخواہ میں تیز ہواؤں اور گرج چمک کے ساتھ بارش کی توقع۔ اس دوران گلگت بلتستان اور شمال مشرقی پنجاب میں چند مقامات پر تیز ہواؤں اور گرج چمک کے ساتھ بارش ہو سکتی ہے۔ ملک کے دیگر علاقوں میں گرم اور حبس رہنے کا امکان ۔
گذشتہ 24 گھنٹے کا موسم گذشتہ 24 گھنٹوں کے دوران : اسلام آباد ،بالائی/وسطی پنجاب ، کشمیر ، گلگت بلتستان اور خضدارمیں تیزہواؤں اور گرج چمک کے ساتھ بارش جبکہ چند مقامات پر موسلا دھار بارش بھی ہوئی ۔ ملک کے دیگر علاقوں میں موسم گرم اور مرطوب رہا۔
سب سے زیادہ بارش(ملی میٹر): پنجاب:سرگودھا سٹی 40، چکوال 18، ساہیوال 12، سیالکوٹ سٹی 10، ٹی ٹی سنگھ 09، لاہور سٹی 07، قصور 04، حافظ آباد 03، اسلام آباد (سید پور، گولڑہ 02، زیرو پوائنٹ، ایئر پورٹ، بوکرا 01)، نارووال، شیخوپورہ، 01 ، راولپنڈی (کٹاریاں، گوالمنڈی، کچہری، شمس آباد 01)، نور پور تھل اور بہاولنگر 01، کشمیر: کوٹلی 16، راولاکوٹ 06، گلگت بلتستان: بونجی 02، بلوچستان: خضدارمیں 02 ملی میٹر بارش ریکارڈ کی گئی۔
آج ریکارڈ کئے گئے زیادہ سےزیادہ درجہ حرارت : نوکنڈی 46،دالبندین 45، اور موہنجوداڑو میں43سینٹی گریڈ ریکارڈ کیا گیا۔
ہفتہ (رات): اسلام آباد اور گردونواح میں موسم مرطوب اور مطلع جزوی ابر آلود رہنے کا امکان۔
ہفتہ کے روز: اسلام آباد اور گردونواح میں موسم مرطوب اور مطلع جزوی ابر آلود رہنے کا امکان۔ تاہم بعد از دوپہر چند مقامات پر بارش ہو سکتی ہے۔
مزید پڑھیں: پی آئی اے کی پروازوں پر عائد پابندیوں کے خاتمے پر خواجہ آصف کا بیان سامنے آگیا
