تہران (اے بی این نیوز)امریکی حملے کے بعد ایران نے پہلی بار اسرائیل پر خیبر شکن میزائل داغ دیئے، ویڈیو بھی جاری کردی گئی۔امریکا نے ہفتہ اور اتوار کی رات بی 2 اسٹیلتھ بمبار طیاروں کے ذریعے ایران کی تین جوہری تنصیبات فردو، اصفہان اور نطنز پر حملہ کردیا۔
ایرانی حکام نے حملوں کی تصدیق کردی تاہم نقصانات کی تفصیلات نہیں بتائی گئیں۔امریکی حملوں کے بعد ایران نے اسرائیل پر پہلی بار اپنے طاقتور ترین میزائل خیبر شکن سے حملہ کردیا، رپورٹ کے مطابق ایران نے تقریباً 30 میزائل داغے، جس کے بعد اسرائیل کے کئی شہروں میں دھماکوں کی آوازیں سنی گئیں اور بڑی تباہی کی اطلاعات ہیں۔
ایران نے اسرائیل پر خیبر میزائل داگنے کی ویڈیو بھی جاری کردی، جس میں میزائل کو لانچنگ پیڈ سے کامیابی کے ساتھ فضاء میں اڑتے ہوئے دیکھا جاسکتا ہے۔
مزید پڑھیں: حکومت نے ڈسکوز کو محرم کے دوران بلاتعطل بجلی فراہمی کو یقینی بنانے کی ہدایت کردی
