لندن ( اے بی این نیوز    )برطانوی نژاد پاکستانی خاندان کے چار افراد گھر میں آگ لگنے سے ہلاک ہوگئے۔برطانوی میڈیا کے مطابق آتشزدگی کا واقعہ لندن کے شمال مغربی علاقے برینٹ میں پیش آیا جس کے نتیجے میں 43 سالہ خاتون اور اس کی 15 سالہ بیٹی، 8 سالہ بیٹا اور 4 سالہ بیٹا جاں بحق ہوگئے۔
رپورٹ کے مطابق ایک ہی خاندان کی 70 سالہ خاتون اور ایک نوجوان لڑکی کو زخمی حالت میں اسپتال میں داخل کرایا گیا ہے۔
مقامی حکام کے مطابق آگ لگنے سے خاتون کا تین منزلہ مکان مکمل طور پر تباہ ہوگیا جب کہ پولیس نے چار افراد کے قتل کے شبے میں ایک شخص کو بھی گرفتار کرلیا ہے۔رپورٹ کے مطابق متاثرہ خاندان تقریباً 20 سال قبل پاکستان سے برطانیہ منتقل ہوا تھا۔

مزید پڑھیں :کل عمران خان اور بشریٰ بی بی کو کمرہ عدالت میں پیش کیاجائے گا