اسلام آباد( اے بی این نیوز)انسداد دہشتگری عدالت اسلام آباد میں پی ٹی آئی کے 26 نومبر کے احتجاج کے معاملے پر بشریٰ بی بی کی 3 مقدمات میں عبوری ضمانت میں توسیع کردی گئی۔

بشریٰ بی بی کے خلاف تھانہ رمنا، مارگلہ اور تھانہ کراچی کمپنی میں مقدمات درج ہیں۔ انسداد دہشتگردی عدالت کے ڈیوٹی جج طاہرعباس سپرا نے کیس سماعت کی۔وکیل نے بتایا کہ بشریٰ بی بی 190 ملین پاؤنڈ کیس میں گرفتار ہیں۔

اس لیے عدالت حاضر نہیں ہوسکتیں۔ ۔بشریٰ بی بی شامل تفتیش ہونا چاہتی ہیں۔ تفتیشی افسرکوہدایت کی جائے کہ وہ بشریٰ بی بی کو اڈیالہ جیل میں شامل تفتیش کریں۔ عدالت نے پولیس کو چوبیس مارچ تک بشریٰ بی بی کی گرفتاری سے روک دیا۔
مزید پڑھیں: عمران خان سے ملاقات نہ کروانے کا معاملہ پھر عدالت پہنچ گیا