اسلام آباد ( اے بی این نیوز )ایک ہی گھر میں ڈکیتی کی دوسری واردات۔ اے بی این نے واردات کی ویڈیو حاصل کر لی ۔مثالی پولیس ناکام! شہر اقتدار میں دن دہاڑے لوٹ مار کا بازار گرم ہے۔ بین الاضلاعی ڈکیت شہر اقتدار میں سرگرم ہیں جن کو پکڑنے میں پولیس بری طرح ناکام ہو گئی۔
تین مسلح ڈاکوؤں نے اسلحہ کی نوک پر کشمیر ٹاؤن میں نورالدین نامی شہری کے گھر گھس کر لوٹ مار کی۔ لاکھوں روپے مالیت کا سونا نقدی موبائل فون اور جائیداد کے کاغذات لوٹ کر فرار ہو گئے۔
شہریوں نے بروقت 15 پر بھی ڈکیتی کی اطلاع دی لیکن پولیس ڈاکوؤں کو پکڑنے میں ناکام رہی۔ ذرائع کے مطابق
اسی گھر میں پہلے بھی ڈکیت گینگ نے واردات کی تھی۔ دوران واردات ڈاکوؤں نے لاکھوں روپے لوٹے تھے ۔ جس کی تفتیش سی آئی اے پولیس کر رہی ہے لیکن اج تک کوئی گرفتاری عمل میں نہیں آئی۔
وقوعہ کی سی سی ٹی وی فوٹیج میں ڈاکوؤں کے چہرے واضح دیکھے جا سکتے ہیں ۔ اس کے باوجود پولیس روایتی ے حسی کا مظاہرہ کر رہی ہے۔ واقع کا مقدمہ تاحال درج نہیں کیا جس پر اہل علاقہ اور عوام شدید پریشان ہیں۔
مزید پڑھیں :کل عام تعطیل کا اعلان،تمام سرکاری دفاتر اور تعلیمی ادارے بند رہیں گے،نوٹیفکیشن جاری
