اسلام آباد ( اے بی این نیوز )کشمیر بنے گا پاکستان، کراچی سے خیبر تک پاکستان کی آواز بن گئی۔ مختلف شہروں میں ریلیاں نکالی گئیں اور مظاہرے کیے گئے جہاں کشمیریوں کو حق خودارادیت دینے کا مطالبہ کیا گیا۔
کوہالہ میں پاک فوج کے جوانوں نے یادگار شہداء پر حاضری دی۔ مظفرآباد، کوہالہ اور وادی لیپہ اور دیگر شہروں میں لائن آف کنٹرول پر بھارتی فوج کی چوکیوں کے سامنے ہاتھوں کی زنجیریں بنا دی گئیں۔آزاد کشمیر بھر میں ایک منٹ کی خاموشی بھی اختیار کی گئی۔
اسلام آباد میں دفتر خارجہ سے ڈی چوک تک ریلی نکالی گئی۔ ریلی میں وفاقی وزیر مصدق ملک، چوہدری سالک، چیئرمین کشمیر کمیٹی نے شرکت کی
کراچی میں وزیر تعلیم سندھ سردار شاہ اور میئر کراچی مرتضیٰ وہاب کی قیادت میں ریلیاں نکالی گئیں۔ لاہور میں مال روڈ پر مسلم لیگ ن نے جلسہ کیا۔پشاور میں گورنر خیبرپختونخوا فیصل کریم کنڈی کی قیادت میں بھارتی بربریت کے خلاف احتجاجی ریلی نکالی گئی۔اس موقع پر فیصل کریم کنڈی کا کہنا تھا کہ ’ایک ہی نعرہ اور ایک ہی ایجنڈا ہے کہ کشمیر بنے گا‘۔
مزید پڑھیں :آرمی چیف کو عمران خان کے خط ، مریم نواز کا تبصرہ کرنے سے گریز
