کراچی ( نیوز ڈیسک )پاکستانی لڑکے کی محبت میں امریکہ سے آئی خاتون کو پولیس نے نجی ہوٹل سے چھیپا ہیڈ آفس منتقل کردیا۔ ترجمان چھیپا ویلفیئر کے مطابق خاتون کو علیحدہ کمرہ فراہم کیا گیا ہے، خاتون ذہنی دباؤ میں ہے کسی سے بات نہیں کر رہی۔
ترجمان چھیپا ویلفیئر کا کہناتھا کہ خاتون کو کھانا فراہم کیا گیا ہے جبکہ وہ شدید ذہنی دباؤ میں ہے۔ قبل ازیں،ایک آنٹی نے میڈیا کو بتایا کہ وہ اس لڑکی کی شادی کرادیں گی اور دعویٰ کیا کہ ہمارے علاقے کی بہو ہے ہمیں ان سے ملنے دیا جائے۔
انہوں نے کہا کہ باہر نکالو ہمارے ایریا کی بہو ہے، ہماری بہو ہے ان کو باہر نکالو، اس دوران ان سے سوال کیا گیا کہ ان کی شادی کس کے ساتھ کروائیں گی تو انہوں نے کہا کہ بہت سارے مل جائیں گے۔
دریں اثناءسماجی کارکن رمضان چھیپا نے کہا ہے کہ امریکی خاتون کا ذہنی توازن ٹھیک نہیں۔رمضان چھیپا نے کہا ہے کہ نوجوان لڑکے سے کہوں گا کہ وہ آئے اور مسئلہ حل کیا جائے۔اس سے قبل امریکی خاتون اونیجا اینڈریو رابنس نے کراچی میں سماجی کارکن رمضان چھیپا کے ہمراہ پریس کانفرنس کرتے ہوئے کہا کہ اپنے شوہر کو تلاش کر رہی ہوں، اپنے شوہر کے ساتھ دبئی چلی جاؤں گی۔
امریکی خاتون نے کہا کہ مجھے پیسے دیے جائیں، حکومت مجھے 1 لاکھ دے۔اس سے قبل امریکی خاتون اونیجا اینڈریو رابنس کو واپس بھیجنے کی تمام کوششیں ناکام ہوگئی تھیں۔
مزید پڑھیں: آج بروزجمعتہ المبارک 31جنوری 2025 پاکستان کے مختلف شہروں میں موسم کیسا رہے گا؟؟
