پاکستان نے انڈر 19 ایشیا کپ کرکٹ ٹورنامنٹ میں بھارت کو 43 رنز سے شکست دے دی۔
دبئی میں کھیلے گئے اس میچ میں پاکستان نے ٹاس جیت کر پہلے بیٹنگ کرنے کا فیصلہ کیا۔ اوپنرز عثمان خان اور شاہ زیب خان نے پہلی وکٹ پر 160 رنز کی شراکت قائم کی۔
شاہ زیب خان نے 159 رنز کی شاندار اور جارحانہ اننگز کھیلی، جس میں انہوں نے 10 چھکے اور 5 چوکے لگائے۔ عثمان خان نے 60 رنز بنائے۔
پاکستان نے 50 اوورز میں 7 وکٹوں کے نقصان پر 281 رنز بنائے۔
282 رنز کے تعاقب میں بھارتی ٹیم 47.1 اوورز میں 238 رنز پر ڈھیر ہو گئی اور 43 رنز سے شکست کا سامنا کیا۔ بھارتی ٹیم کے نکھل کمار نے 67 اور محمد عنان نے 30 رنز کی نمایاں اننگز کھیلی۔
پاکستان کے علی رضا نے 36 رنز دے کر تین وکٹیں حاصل کیں، جبکہ عبدالسبحان اور فہم الحق نے دو دو کھلاڑیوں کو آؤٹ کیا۔ نوید احمد اور عثمان خان نے ایک ایک وکٹ حاصل کی۔
اگر ہمت ہے تو گورنر راج لگاؤ، دیکھتے ہیں صوبے میں کیسے رہو گے‘، وزیر اعلیٰ خیبر پختونخوا
