اسلام آباد (اےبی این نیوز )علیمہ خان اور بشریٰ بی بی کے درمیان لڑائی نکاح کے فورا ًبعد سے جاری ہے۔ وزیر اطلاعات پنجاب عظمیٰ بخاری کابیرسٹرسیف کے بیان پر ردعمل۔ کہا نند بھاوج میں زمان پارک کے گھر پر قبضے کے بعد پارٹی پر قبضے کی لڑائی چل رہی۔
بیرسٹر صاحب آپ تین میں ہیں نہ 13 میں ۔ آپ کو بشریٰ بیگم جانتی ہے نہ علیمہ خان ۔ بیرسٹر صاحب آپ کو یاد ہے ن میں سے ش نکالنے والا ایک بازیگر 40 دن کا چلہ بھی کاٹ چکا ۔
عظمیٰ بخاری کا مزید کہنا تھا آپ اپنے جعلی مولا جٹ وزیراعلیٰ کی پرفارمنس قوم کو بتائیں۔ علی امین گنڈاپور ٹی وی سکرینوں پر بغلیں بجاتے جبکہ بند کمروں میں پاؤں پکڑتے ہیں۔
نواز شریف اور شہباز شریف کی سیاست کو سمجھنے کیلئے آپ کو دوبارہ جنم لینا پڑے گا۔ نواز شریف اور شہباز شریف آج پاکستان پر حکومت کر رہے ہیں۔ آپ کے ظل تباہی جیل میں پستے بادام کھا رہے ہیں۔
مزید پڑھیں :شہباز شریف کی قیادت میں معیشت دوبارہ بحال ہوگی، اسحاق ڈار
