اٹک ( نیوز ڈیسک )اٹک میں جمعرات کی صبح ایک اسکول وین پر فائرنگ کے بزدلانہ حملے میں دو طالب علم جاں بحق اور پانچ زخمی ہوگئے۔
افسوسناک واقعے میں اٹک کے علاقے ڈھیری کوٹ میں نامعلوم مسلح افراد نے اسکول وین پر فائرنگ کردی۔فائرنگ کرنے والوں کی اندھا دھند فائرنگ سے دو بچے موقع پر ہی جاں بحق ہو گئے جبکہ پانچ بچے اور سکول وین کا ڈرائیور بری طرح زخمی ہو گئے۔
حملہ آور فائرنگ کے بعد موقع سے فرار ہوگئے۔ریسکیو ٹیموں نے موقع پر پہنچ کر زخمی بچوں اور وین ڈرائیور کو ڈسٹرکٹ ہیڈ کوارٹر (ڈی ایچ کیو) ہسپتال اٹک منتقل کیا۔
اس دوران مقامی پولیس بھی جائے وقوعہ پر پہنچ گئی اور شواہد اکٹھے کرنے کے بعد بچوں کی لاشوں کو اسپتال منتقل کیا۔پولیس ابھی تک حملے کے پیچھے محرکات معلوم کرنے میں ناکام رہی ہے۔
