اسلام آباد(نیوز ڈیسک ) بجلی کے زیادہ بلوں کے بعد عوام پر ایک اور بوجھ ڈالنے کی تیاری، حکومت نے بجلی چوروں کے لیے الگ تھانے اور عدالتیں قائم کرنے کا فیصلہ کرلیا۔

ملک بھر میں بجلی چوروں کے لیے 8 ہزار 769 تھانے قائم کیے جائیں گے۔ بجلی چوروں کے لیے قائم 497 عدالتوں میں 634 افراد پر مشتمل عملہ ہوگا۔پہلے مرحلے میں لاہور، ڈی جی خان، حیدر آباد، لاڑکانہ ڈویژن، بنوں، پشاور، مردان اور کوئٹہ میں تھانے اور عدالتیں قائم کی جائیں گی۔دوسرے مرحلے میں 29 ڈویژن مکمل کیے جائیں گے۔

نئے نظام پر سالانہ 10.7 ارب روپے لاگت آئے گی جو عوام برداشت کریں گے۔تقسیم کار کمپنیاں عوام سے اخراجات وصول کریں گی۔ وفاقی حکومت نئے تھانوں اور عدالتوں کے لیے پہلی بار 10 ارب روپے سے زائد دے گی۔ بجلی چوروں کو پکڑنے اور سزا دینے کے اخراجات بھی صارفین سے وصول کیے جائیں گے۔
مزید پڑھیں: نسخے کے بغیر اینٹی بائیوٹکس کی بڑھتی ہوئی فروخت ،ڈریپ ان ایکشن