ممبئی (نیوز ڈیسک )راکھی ساونت، جو اکثر اپنے متنازعہ بیانات اور حرکتوں سے سرخیوں میں رہتی ہیں، ان کی صحت ٹھیک نہیں ہے، اور ان کے سابق شوہر رتیش سنگھ نے ان کی صحت کے بارے میں کچھ چونکا دینے والی تفصیلات کا انکشاف کیا ہے۔
راکھی نے حال ہی میں اس وقت انٹرنیٹ پر دھوم مچا دی جب ان کی اسپتال کے بستر پر لیٹی تصاویر سوشل میڈیا پر وائرل ہوئیں۔ راکھی کو سینے اور پیٹ میں درد کے باعث ہسپتال لے جایا گیا، ان کے سابق شوہر نے کہا کی ان کی جلد صحت یابی کے لیے دعا کریں تاکہ وہ جلد صحت یاب ہو جائیں۔رتیش نےنجی چینل سے بات چیت کرتے ہوئے کہا کہ راکھی کے رحم میں ٹیومر ہے جس سے ان کے مداح پریشان ہیں۔
انہوں نے مزید انکشاف کیا کہ ڈاکٹروں کو شبہ ہے کہ یہ کینسر ہوسکتا ہے۔انہیں کل رات سینے میں درد کی شکایت کے بعد ہسپتال میں داخل کرایا گیا تھا۔ ڈاکٹر اس کی دیکھ بھال کر رہے ہیں۔ انہوں نے اس کے رحم میں ٹیومر دریافت کیا ہے۔ اس کے پیٹ میں بھی درد تھا۔ ڈاکٹروں کو شبہ ہے کہ یہ کینسر ہو سکتا ہے۔
ڈاکٹروں نے سرجری کی تجویز دی ہے لیکن وہ پہلے چیک کرنا چاہتے ہیں کہ یہ کینسر ہے یا نہیں۔انٹرنیٹ پر لوگ مقبول تفریحی ملکہ کی جلد صحت یابی کے لیے اپنی دعائیں اور نیک خواہشات بھیج رہے ہیں۔
