لاہور (اے بی این نیوز) اسپیکر پنجاب اسمبلی نے سپریم کورٹ کے فیصلے کی روشنی میں حکومتی اتحاد کو ملنے والی خواتین اور اقلیتوں کی مخصوص نشستیں معطل کردیں۔تفصیلات کے مطابق اسپیکر پنجاب اسمبلی نے اپوزیشن رکن رانا آفتاب کا مخصوص نشستوں پر پوائینٹ آف آرڈر کو درست قرار دے دیا۔خیال رہے کہ اپوزیشن رکن نے سپریم کورٹ کے فیصلے کی
روشنی میں سنی اتحاد کونسل کو ملنے والی خواتین اور اقلیتوں کی مخصوص نشستیں مسلم لیگ ن اور دیگر جماعتوں کو ملنے کے خلاف سپریم کورٹ کے فیصلے کا حوالہ دیا تھا۔سپیکر پنجاب اسمبلی نے ایوان میں سپریم کورٹ کا فیصلہ پڑھ کر سنایا۔ سپیکر نے ارکان کی معطلی کے حکم پر آج
مزید پڑھیں :دھمکی اور وارننگ میں فرق ہے میں دھمکی نہیں وارننگ دیتا ہوں، علی امین گنڈا پور
سے عملدرآمد کرنے کا حکم دے دیا۔ حکومتی اتحاد کے معطل ہونے ارکان کی تعداد کم از کم 27 ہے۔جس میں 24 خواتین کی مخصوص نشستیں جبکہ 3 اقلیتی نشستیں ہیں۔معطل ہونے والوں میں اقلیتی ارکان اسمبلی طارق مسیح گل ،وسیم انجم ، بسرو جی شامل ہیں جبکہ مقصوداں بی بی روبینہ نذیر، سلمہ زاہد ،کنول نعمان ،زیبا غفور، سعیدہ ثمرین تاج، شہر بانو، آمنہ پروین،
سیدہ سمیرا احمد ،عظمی بٹ ،افشاں حسین، شگفتہ فیصل، نسرین ریاض، ساجدہ نوید ،فرزانہ عباس، ماریہ طلال، تاشین فواد، عابدہ بشیر، سعدیہ مظفر، فائزہ مومنہ، عامرہ خان، سمعیہ عطا، راحت افزا، رخسانہ شفیق شامل ہیں۔معطل ہونے والے اراکین میں 23 ن لیگ کے ہے جبکہ پی پی پی کی دو اور آئی پی پی ، ق لیگ کا ایک ایک رکن ہے۔
مزید پڑھیں :سولر پینل کی قیمتوں میں کمی: مئی 2024 میں نئے نرخ آگئے
