کراچی ( نیوز ڈیسک ) سندھ اسمبلی کا افتتاحی اجلاس آج ہو گا، 8 فروری کے عام انتخابات میں کامیاب ہونیوالے امیدوار حلف اٹھائیں گے،
مزید پڑھیں:حکومت کو غیر ملکی قرضوں کی مد میں صرف 9.2 بلین ڈالر ملتے ہیں
تفصیلات کے مطابق سندھ اسمبلی میں نو منتخب ایوان کے پہلے اجلاس کی صدارت ا سپیکر آغا سراج درانی کرینگے، اجلاس کا آغاز تلاوت قرآن پاک سے ہو گا، ارکان کی حلف برداری کے بعدا سپیکر کی جانب سے نئےا سپیکر اور ڈپٹی ا سپیکر کے انتخاب کیلئے
شیڈول جاری کیا جائیگا۔مخصوص نشستوں کا کوٹہ ملنے اور چار آزاد امیدواروں کے شامل ہونیکے بعد پیپلز پارٹی سندھ اسمبلی میں 114 نشستوں کے ساتھ پہلے نمبر پر ہے، ایم کیوایم کو مخصوص نشستیں ملنے کے بعد اس کے ارکان کی تعداد 36 تک پہنچ گئی،
ایوان میں جی ڈی اے کی 3 سیٹیں ہیں۔الیکشن کمیشن نے خواتین کی دو اور اقلیتوں کی ایک مخصوص سیٹ پر نوٹیفکیشن روک لیا، سندھ اسمبلی میں تیسرا بڑا گروپ ان اراکین پر مشتمل ہے جنہوں نے آزاد حیثیت میں کامیابی حاصل کر کے الیکشن کمیشن کو سنی اتحاد کونسل میں شمولیت کی درخواست دی ہوئی ہے۔دوسری جانب پیپلز پارٹی نے
سندھ اسمبلی میں قائد ایوان، سپیکر اور ڈپٹی سپیکر کے ناموں کا اعلان بھی کر دیا، مراد علی شاہ کو ایک بار پھر وزیر اعلیٰ سندھ نامزد کیا گیا ہے، اویس قادر شاہ سپیکر سندھ اسمبلی کے امیدوار اور اقلیتی رکن نوید انتھونی ڈپٹی سپیکر کے امیدوار ہونگے۔
