اسلام آباد(نیوزڈیسک) الیکشن کی تیاریاں عروج پر ، ملک بھر میں لاکھوں سکیورٹی اہلکار تعینات کردیئے۔الیکشن کمیشن کی درخواست پر کوئیک رسپانس فورس کے10 ہزار سے زائد اہلکار تعینات جبکہ23940 سیکورٹی اہلکار مستقل طور پر الیکشن کے دروان ڈیوٹی سرانجام دیں گے۔
پاک فوج اور سول آرمڈ فورسز کے مجموعی 130882 اہلکار الیکشن ڈیوٹی پر مامور جبکہپولیس کے 465736 اہلکار تعینات ہوں گے۔ آرمی، سول آرمڈ فورسز اور پولیس کے 596618 اہلکار الیکشن ڈیوٹی سرانجام دینگے۔ پنجاب میں الیکشن کے پرامن انعقاد کیلئے پولیس کے 216000 اہلکار تعینات ہوں گے۔
مزید پڑھیں:نواز شریف اور شہباز قومی اسمبلی کا ووٹ اپنی پارٹی کو نہیں دے سکیں گے
صوبہ سندھ میں 110720، خیبرپختونخوا میں 92535 اور بلوچستان میں 46481 پولیس اہلکار ڈیوٹی سرانجام دینگے۔ پاک فوج اور قانون نافذ کرنے والے ادارے ووٹرز کو پرامن ماحول فراہم کرنے کیلئے پرعزم ہیں
