راولپنڈی (نیوزڈیسک) اڈیالہ جیل انتظامیہ کو 3 دن میں دہشتگرد ی کا نشانہ بنانے کی دھمکی آمیز کال موصول ،دھمکی آمیز کال کے بعد انتظامیہ نے پولیس اور دیگر متعلقہ اداروں کو آگاہ کردیا۔انتظامیہ کو دھمکی آمیز کال نامعلوم نمبر سے موصول ہوئی جس میں نامعلوم کالر نے آئندہ تین روز میں حملے کی دھمکی دی ۔حکام کے مطابق دھمکی آمیز کال اڈیالہ جیل کےآفیشل نمبر پر کی گئی،
جس کے بعد جیل سپرٹنڈنٹ کی جانب سے دھمکی آمیز فون کال کے متعلق اطلاع دی گئی۔سینئر پولیس افسر نے بتایا کہ دھمکی آمیز کال کے بعد سینٹرل جیل اڈیالہ کی سیکورٹی ریڈ الرٹ کردی، جیل کے گرد نواح میں سیکورٹی کو بڑھا کر 8 مقامات پر ناکے قائم کردیئے گئے ،
مزید پڑھیں: آپ کو اتنی جلدی کیا ہے، میرے وکلاء کا انتظار کرلیں، عمران خان ، وقت بہت کم ، انتظار نہیں کرسکتے، جج محمد بشیر کا جواب
ایلیٹ فورس کے 5 سیکشن بھی مسلسل پیٹرولنگ پر ہیں۔ سینٹرل جیل اڈیالہ میں بانی پی ٹی آئی، سابق وزیر خارجہ شاہ محمود قریشی ،سابق وزرا شیخ رشید ،فواد چودھری اور سابق وزیر اعلی پنجاب چودھری پرویز الٰہی بھی اسیر ہیں۔
