ریاض(نیوزڈیسک) پاکستانی ویمنز فٹبال ٹیم نے سعودی عرب میں کیموروس کو 0-1 سے شکست دیکر ٹورنامنٹ میں فاتحانہ آغاز کردیا۔سعودی میڈیا کے مطابق سعودی عرب میں 4 ملکی خواتین فٹبال ٹورنامنٹ میں پاکستان نے اپنے پہلے میچ میں کیموروس کو ایک صفر سے ہرا دیا۔دونوں ٹیموں کے مابین سخت مقابلہ دیکھنے میں آیا جب کہ فیصلہ کن گول آخری منٹ میں پاکستانی کھلاڑی انمول ہیرا نے کیا۔ویمنز فٹبال ٹورنامنٹ کے شیڈول کے مطابق پاکستانی ٹیم کو 15 اور 19 جنوری کو بالترتیب ماریشس اور سعودی عرب کے خلاف کھیلنا ہے۔
