میانوالی(نیوزڈیسک) سابق وزیراعظم عمران خان کیخلاف ایک اور ایف آئی آر میانوالی میں درج کر لی گئی۔ ذرائع کے مطابق تھانہ سٹی میانوالی میں ایک اور ایف آئی آر درج کرائی گئی ہے۔جس میں الزام لگایا گیا ہے کہ عمران خان کے کہنے پر ملزم سابق ممبر قومی اسمبلی امجد علی خان نے 50 لاکھ روپے کی امانت کے طور پر رکھوائی گئی رقم نمل یونیورسٹی میں بطور عطیہ جمع کرا دی مدعی سعید الله خان نے موقف اختیار کیا ہے کہ 2016 میں اس کا میانوالی کے شہری عبدالکریم کے ساتھ لین دین کا معاملہ تھا جس کو حل کروانے کیلئے سابق ممبر قومی اسمبلی امجد علی خان کے پاس گئے جنھوں نے میرے 50 لاکھ روپے بطور سکیورٹی اور امانت اپنے پاس رکھوا لئے جو بعد میں مجھے واپس کرنے کی بجائے عمران خان کے ایما پر نمل یونیورسٹی میں جمع کرا دئیے۔ پولیس نے ایف آئی آر درج کر کے تفتیش شروع کر دی ۔