اسلام آباد (  اے بی این نیوز   )عراق نے اس سال اربعین کے موسم میں کربلا جانے کے لیے ایران سے گزرنے والے پاکستانی زائرین کو داخلے کی اجازت دینے پر رضامندی ظاہر کی ہے، ایرانی وزیر داخلہ احمد واحدی کے مطابق پاکستانی زائرین جو گزشتہ سال اربعین کی رسومات کے لیے کربلا جانے کے لیے ایران میں داخل ہوئے تھے، ان کو عراق نے داخلے سے منع کر دیا تھا۔
متعدد مذاکرات کے بعد، عراق کی حکومت نے اس سال ایران کے راستے سفر کرنے والے پاکستانی زائرین کو داخلہ دینے پر رضامندی ظاہر کی ہے،پاکستانی زائرین کی ایک بڑی تعداد ہر سال اربعین کی زیارت کے لیے عراق جانے کے لیے ایران کے جنوب مشرقی صوبے سیستان اور بلوچستان میں رمدان-گبد بارڈر کراسنگ کو عبور کرتی ہے اربعین کی تقریب دنیا کے سب سے بڑے مذہبی اجتماعات میں سے ایک ہے۔ ہر سال اربعین کے موسم میں، زائرین، خاص طور پر عراق اور ایران سے، کربلا کے لیے طویل راستوں سے پیدل سفر کرتے ہیں، اس سال اربعین 6 ستمبر کو منایا جائے گا۔