لاہور(ویب ڈیسک) اسپیکر پنجاب اسمبلی سبطین خان نے کہا ہے کہ گورنر پنجاب کی جانب سے طلب کردہ اسمبلی اجلاس کو درست نہیں سمجھتا۔سپیکر سبطین خان نے گورنر کے طلب کردہ اجلاس کا پنجاب اسمبلی کی جانب سے گزٹ نوٹیفکیشن جاری نہ کرنے کا فیصلہ کیا ہے، سبطین خان نے کہا کہ پہلے ہی اجلاس چل رہا ہے ایک وقت میں جب اجلاس چل رہا ہو تو نیا اجلاس نہیں بلایا جا سکتا۔انہوں نے مزید کہا کہ موجودہ اجلاس سپیکر کا طلب کردہ ہے جسے گورنر ختم نہیں کرسکتا، اگر حکومت کا بزنس ہوا تو کل بھی پنجاب اسمبلی کا اجلاس ہو گا، گورنر کے طلب کردہ اجلاس کا اسمبلی سیکرٹریٹ گزٹ نوٹیفیکیشن جاری نہیں کرے گا۔
