عالمی سطح پر اہم سفارتی پیش رفت سامنے آئی ہے جہاں ترکیہ کے صدر Tayyib Erdoğan نے خطے میں جنگ بندی کے قیام پر پاکستان کے کردار کو سراہتے ہوئے وزیراعظم Shehbaz Sharif کی کوششوں کو قابلِ تعریف قرار دیا ہے۔ترک صدر نے اپنے بیان میں کہا کہ خطے میں جنگ رکنے میں وزیراعظم کی سفارتی کاوشوں نے اہم کردار ادا کیا، اور اس پیش رفت کو ایک بڑے امن کے موقع کے طور پر دیکھا جانا چاہیے۔ انہوں نے کہا کہ امریکا بھی ایران کے ساتھ جنگ بندی میں کردار ادا کرنے پر پاکستان کی قیادت کا شکر گزار ہے۔
انہوں نے واضح کیا کہ کسی بھی صورت میں ہتھیاروں کے استعمال کی اجازت نہیں دی جا سکتی اور مسائل کا حل صرف اور صرف سفارتکاری کے ذریعے ممکن ہے۔ ان کے مطابق موجودہ عالمی بحران کا واحد حل مذاکرات اور سیاسی حکمت عملی ہے، نہ کہ طاقت کا استعمال۔
ترک صدر نے آبنائے ہرمز کی اہمیت پر زور دیتے ہوئے کہا کہ اسے تجارتی جہازوں کے لیے کھلا رکھا جانا چاہیے تاکہ عالمی تجارت متاثر نہ ہو۔ انہوں نے کہا کہ خلیجی ممالک کی کھلے سمندروں تک رسائی کو محدود نہیں ہونا چاہیے کیونکہ اس کے عالمی معیشت پر سنگین اثرات مرتب ہو سکتے ہیں۔انہوں نے اس عزم کا اظہار بھی کیا کہ ترکیہ خطے میں امن کے قیام کے لیے اپنا بھرپور کردار ادا کرنے کو تیار ہے اور ہر ممکن سفارتی تعاون فراہم کرے گا۔
پٹرولیم مصنوعات کی قیمتوں میں ریلیف؟ عوام کیلئے اہم خبر آگئی،جا نئے تفصیل
