اسلام آباد( اے بی این نیوز ) وزیر اعلی ٰ کے پی کا صحت کارڈ سکیم میں لائف انشورنس سکیم کو بھی شامل کرنے کا فیصلہ کر لیا گیا ہے۔ لائف انشورنس سکیم پر عملدرآمد کے لئے مفاہمت کی یادداشت پر دستخط کر دیئے گئے۔
تقریب میں صحت کارڈ سکیم اور اسٹیٹ لائف انشورنس کے حکام نے مفاہمت کی یادداشت پر دستخط کئے۔ علی امین گنڈاپور نے کہا کہ خیبر پختونخوا حکومت انشورنس سکیم شروع کرنے والا ملک کا پہلا صوبہ بن گیا۔
صوبائی حکومت کی یہ سکیم پوری دنیا میں اپنی نوعیت کا منفرد اور پہلی فلاحی سکیم ہے۔ خیبر پختونخوا حکومت فلاحی ریاست کے قیام کے لئے عملی اقدامات کر رہی ہے۔ 60 سال تک کی عمر کے خاندان سربراہ کی فوتگی پر ورثاکو 10 لاکھ روپے دئیے جائیں گے۔
60 سال سے زائد عمر کے خاندان سربراہ کی فوتگی پر خاندان کو پانج لاکھ روپے دئیے جائیں گے۔ لائف انشورنس سکیم کے تحت ایک کروڑ 4لاکھ سے زائد خاندان مستفید ہونگے۔ لائف انشورنس سکیم پر سالانہ ساڑھے چار ارب روپے لاگت آئے گی۔
صوبے کے 49 فیصد خاندان غربت کی لکیر سے نیچے زندگی گزار رہے ہیں۔ ان کی سماجی تحفظ یقینی بنانے کے لئے پر عزم ہیں۔ صوبائی حکومت اس سلسلے میں متعدد پروگراموں پر عملدرآمد کر رہی ہے۔ صحت کارڈ سکیم کے تحت صوبے کی سو فیصد آبادی کو مفت فراہم سہولیات دی جارہی ہیں۔
مزید پڑھیں :ڈاکٹر عافیہ صدیقی کے حوالے سے غم زدہ خبر آ گئی
