اسلام آباد(نیوزڈیسک)وزیراعظم میاں شہبازشریف نے ٹوئٹر پر جاری بیان میںکہا کہ دنیا نے دیکھا کہ کیسے اقوام انسانی المیے میں متاثرین کی بحالی کیلئے اکٹھی ہوکر اظہار یکجہتی کرتی ہیں۔ حکومت نے جینوا میں ڈونر کانفرنس کو پاکستان اور سیلاب متاثرین کیلئے بڑی کامیابی قرار دیتے ہوئے مالیاتی اداروں اور ممالک کی اظہاریکجہتی کو سراہا۔ جینوا کانفرنس میں اظہار ہمدردی سے متاثر ہوا ہوں اور ہم اکٹھے تعمیر نو کریں گے۔
A big thank you to Heads of states & governments, European Union, our development partners & United Nations for making Resilient Pakistan Conference a resounding success. UN Secretary General has shown stellar leadership all along. People of Pakistan will forever remain grateful. https://t.co/ADaejx5oUU
— Shehbaz Sharif (@CMShehbaz) January 10, 2023
دوسری جانب وفاقی وزیر اطلاعات مریم اورنگزیب نے اپنے بیان میں کہا کہ جنیوا کانفرنس پاکستان اور سیلاب متاثرین کیلئے بڑی کامیابی ہے، سیکرٹری جنرل اقوام متحدہ اور عالمی برادری کا شکریہ ادا کرتے ہیں۔
وزیر اطلاعات کا کہنا تھا کہ یہ کانفرنس انسانیت کے اجتماعی احساس کی علامت بنی ہے، وسائل کی فراہمی سے سیلاب متاثرین کی نئی اور بہتر زندگی شروع کرنے میں مدد ملے گی، کانفرنس نے موسمیاتی تبدیلیوں کے سنگین اثرات کا دنیا کو احساس دلایا ہے۔