لندن (اے بی این نیوز) انگلینڈ کرکٹ بورڈ (ای سی بی) نے پاکستان کے خلاف تین ٹیسٹ میچوں کی سیریز کے ابتدائی دو میچز کے لیے 16 رکنی اسکواڈ کا اعلان کر دیا ہے۔ بین اسٹوکس کی ٹیسٹ کرکٹ سے ریٹائرمنٹ کے بعد جو روٹ پہلی بار مستقل ٹیسٹ کپتان کی حیثیت سے ٹیم کی قیادت کریں گے۔
اعلان کردہ اسکواڈ میں ڈین لارنس، اولی پوپ، سام کک اور برائیڈن کارس کی واپسی ہوئی ہے، جبکہ نوجوان بلے باز جورڈن کاکس کو بھی دوبارہ ٹیم میں شامل کیا گیا ہے۔ وہ جیکب بیتھل کی جگہ اسکواڈ کا حصہ بنے ہیں، جو گھٹنے کی انجری کے باعث سیریز کے ابتدائی دو ٹیسٹ میچز سے باہر ہو گئے ہیں۔
Joe Root is back as captain and some familiar faces also are making their return 😍 pic.twitter.com/imQamKKjjr
— England Cricket (@englandcricket) August 6, 2026
انگلینڈ نے اسپن بولنگ کے شعبے میں شعیب بشیر پر اعتماد برقرار رکھا ہے، جبکہ فاسٹ بولنگ اٹیک میں جوفرا آرچر، گس اٹکنسن، میتھیو فشر، اولی رابنسن، برائیڈن کارس اور سام کک شامل ہیں۔ برائیڈن کارس انجری سے مکمل صحت یاب ہونے کے بعد دوبارہ ٹیسٹ ٹیم میں جگہ بنانے میں کامیاب ہوئے ہیں۔
چیف سلیکٹر مارکس نارتھ نے کہا کہ پاکستان جیسی مضبوط ٹیم کے خلاف تجربہ کار اور نوجوان کھلاڑیوں پر مشتمل متوازن اسکواڈ کا انتخاب کیا گیا ہے۔ ان کے مطابق ڈین لارنس چھٹے نمبر پر بیٹنگ کریں گے، جبکہ ان کی آف اسپن بولنگ ٹیم کو اضافی آپشن فراہم کرے گی، جس سے انگلینڈ کو چار فرنٹ لائن فاسٹ بولرز کے ساتھ میدان میں اترنے میں مدد ملے گی۔
واضح رہے کہ پاکستان اور انگلینڈ کے درمیان تین ٹیسٹ میچوں کی سیریز کا آغاز 19 اگست سے ہوگا، جہاں دونوں ٹیمیں ورلڈ ٹیسٹ چیمپئن شپ کے اہم پوائنٹس کے لیے مدمقابل ہوں گی۔
مزید پڑھیں:بارشوں سے متعلق بڑی پیشگوئی، کئی علاقوں کے لیے الرٹ جاری
