ٹنڈوالہ یار(نیوزڈیسک)سندھ کے ضلع ٹنڈوالہ یار میں تیل اور گیس کی دریافت ہوئی ہے،نئی دریافت سے ملکی امپورٹ بل میں خاطر خواہ کمی ہوگی اوراو جی ڈی سی ایل اور ملکی تیل و گیس کے ذخائر میں بھی خاطرخواہ اضافہ ہوگا۔آئل اینڈ گیس ڈیویلپمنٹ کمپنی لمیٹڈ (او جی ڈی سی ایل) کے مطابق سندھ میں درس ویسٹ کنواں نمبر 2 کی 2081 میٹر کھدائی کی گئی۔دریافت سے یومیہ 85 لاکھ 10 ہزار مکعب فٹ گیس حاصل ہوگی اور کنویں سے 360 بیرل یومیہ خام تیل بھی دریافت ہوا ہے۔ نئی دریافت سے ملکی امپورٹ بل میں خاطر خواہ کمی ہوگی، نئی دریافت سے او جی ڈی سی ایل اور ملکی تیل و گیس کے ذخائر میں بھی خاطرخواہ اضافہ ہوگا۔