کراچی(نیوزڈیسک)بجلی،گیس اور اشیائے خوردونوش کے بعد اب دوائیں بھی عام آدمی کی دسترس سے باہر ہو جائیں گی کہ اقتصادی رابطہ کمیٹی نے 262 ادویات کی قیمتوں میں اضافے کی منظوری دیدی ہے۔ نگران وزیر خزانہ شمشاد اختر کی زیر صدارت اجلاس منعقد ہوا، اجلاس میں ای سی سی نے ہارڈ شپ کٹیگری کی تحت 262 ادویات کی قیمتوں میں اضافے کی بھی منظوری ۔ ای سی سی نے وزارت قومی صحت کی خدمات، قواعد و ضوابط اور کوآرڈینیشن کی سمری پر غور کیا جس میں ڈرگ پرائسنگ کمیٹی(ڈی پی سی) نے اپنی 56 ویں اور 57 ویں اجلاس میں تجویز کی تھی کہ ہارڈ شپ کیٹیگری کے تحت 262 ادویات کی خوردہ قیمتوں میں اضافے کی منظوری دی جائے۔ای سی سی نے وزارت کو ہدایت کی کہ اپنی سفارشات کو حتمی شکل دینے کیلئے صحت کے صوبائی محکموں کے ساتھ تفصیلی مشاورت کی جائے اور صوبوں کی مشاورت سے فارما سوٹیکل انڈسٹری کے تحفظات دور کرنے کیلئے معقول اور متوازن سفارشات پیش کی جائیں اس میں انڈسٹری کے ساتھ پہلے سے مہنگائی کا شکار صارفین کے مفاد کو بھی مد نظر رکھا جائے۔