اسلام آباد(نیوزڈیسک) عالمی مالیتی ادارے آئی ایم ایف نے پاکستانی سرکاری ادروں کے نقصانات کی تازہ رپورٹ طلب کر لی۔ آئی ایم ایف مشن نےسرکاری اداروں کے نقصانات پر پرانے اعداد و شمار کی رپورٹ ماننے سے انکار کر دیا جبکہ وزارت خزانہ نے آئی ایم ایف سے دسمبر 2023 تک رپورٹ دینے کیلئے وقت مانگ لیا ۔ذرائع کا کہنا ہے کہ آئی ایم ایف مشن نے سینٹرل مانیٹرنگ یونٹ ٹیم کو اپنی پہلی جائزہ رپورٹ دینے کا مطالبہ کیا جس پر حکام کی جانب سے بتایا گیا کہ سرکاری اداروں کے نئے اعداد و شمارکا جائزہ لے رہے ہیں۔پاکستانی حکام کی جانب سے آئی ایم ایف وفد کو بتایا گیا کہ حکومتی اداروں کے نئے اعداد و شمار کی رپورٹ جلد مکمل کر لیں گے۔ آئی ایم ایف کا وفد جائزہ مذاکرات کیلئے دو ہفتوں کے دورے پر پاکستان میں موجود ہے، آئی ایم ایف وفد پاکستانی حکام سے مختلف معاملات پر مذاکرات کرے گا۔
