اسلام آباد(نیوزڈیسک) حکومت نے عوام پر گیس بم گرانے کی تیاری کرلی ، میڈیا رپورٹس کے مطابق گیس کی قیمتوں میں 193فیصد تک اضافے کا امکان ،بجلی، کارخانوں اور تندوروں کیلئے گیس قیمت برقرار رکھنے کی تجویز ۔ گیس قیمتیں بڑھانے کی سمری کل ای سی سی اجلاس میں پیش کئے جانے کا امکان ہے ،پٹرولیم ڈویژن نے سمری میں گیس کا ٹیرف 193فیصد تک بڑھانے کی تجویز دیدی، ذرائع کا کہنا ہے کہ گھریلو صارفین کیلئے گیس 172فیصد تک مہنگی کرنے کی تجویزدی گئی دیگر کیٹگریز کیلئے گیس کی قیمت میں تقریباً 193فیصد تک اضافہ کی تجویز ،قیمتوں میں اضافے کا اطلاق یکم اکتوبر سے کرنے کی تجویز دی گئی ہے۔
