اسلام آباد(نیوزڈیسک) ہائیکورٹ میں این سی اے تحقیقات، 190 ملین پاؤنڈز کیس ،پراپرٹی ٹائیکون ملک ریاض کیخلاف ٹیکس معاملات کی تحقیقات کیلئے دائر درخواست خارج ،جسٹس میاں گل حسن اورنگزیب نے ملک ریاض کیخلاف ٹیکس تحقیقات کی درخواست خارج کردی ۔شہری پیر محمد اشرف رسول نے وکیل پیر معمر حسینی رسول کے ذریعے درخواست دائر کی تھی ۔ ملک ریاض، علی ریاض نے 190 ملین پاؤنڈز کی ٹرانزیکشنز کو خفیہ رکھا۔ درخوا ست میں کہا کیا کہ ممکن ہے 190 ملین پاؤنڈز کی خفیہ ٹرانزیکشنز سے ٹیکس قوانین کی خلاف ورزی ہوئی ہو، چوری اور منی لانڈرنگ کے یہ معاملات مفاد عامہ کے تناظر میں انتہائی اہمیت کے حامل ہیں، درخواست میں موقف اختیار کیا گیا کہ ملک ریاض اور علی ریاض کے اثاثوں اور مالی معاملات کے حوالے سے جامع تحقیقات ناگزیر ہے، درخواست190 ملین پاؤنڈز کی قانونیت اور ذرائع سے متعلق اینٹی منی لانڈرنگ ایکٹ کے تحت تحقیقات کرائی جائیں، درخواست میں استدعا کی گئی کہ غیر جانبداری کو برقرار رکھنے کیلئے ان تحقیقات کو عدالتی نگرانی میں سرانجام دلوایا جائے۔ تحقیقات میں معاونت اور معلومات فراہم کرنے والوں کو تحفظ دیا جائے، کیس کی سماعت اوپن کورٹ میں کی جائے تاکہ عوام الناس آگاہ رہ سکیں، ٹیکس چوری، منی لانڈرنگ ثابت ہو جائیں تو قانون کے تحت جرمانہ عائد کیا جائے، وصولی کی جائے۔