کیلیفورنیا(اے بی این نیوز) ایپل کمپنی نے فلیگ شپ ڈیوائس آئی فون میں واضح اشارے پیش کردیئے جس کی مدد سے صارفین اپنی پرائیویسی میں دخل اندازی روکنے کیلئے آپشن استعمال کرسکتے ہیں۔آئی فون میں اسکرین پر اوپر کی جانب مختلف رنگوں کے نقطے ظاہر ہوتے ہیں جو کسی مسئلے کے حوالے سے صارف کو انتباہ کرتے ہیں۔صارف کو اپنے آئی فون اسٹیٹس بار پر تین رنگوں کے نقطوں پر غور کرنا چاہیئے۔پہلا نقطہ نارنجی رنگ کا ہے۔ اگر آپ یہ نقطہ دیکھیں تو سمجھ جائیں آپ کا مائیک زیرِ استعمال ۔دوسرا نقطہ ہرے رنگ کا ہے جس کا مطلب ہے کہ فون میں موجود کوئی ایپ آپ کا کیمرا استعمال کر رہے ہیں۔ یعنی انسٹاگرام کھولنے پر یہ نقطہ ظاہر نہیں ہوتا لیکن ایپ کے کیمرا میں جائیں تو یہ نقطہ اسکرین پر نمو دار ہوجاتا ہے۔ آخری نقطہ نیلے رنگ کا جس کے اندر سفید تیر ہے۔ تیر کا رخ اوپر اور دائیں جانب ہے اور یہ 2021 میں آئی او ایس 15 متعارف کرائے جانے کے بعد سے ظاہر ہورہا ہے۔جب کوئی ایپ یا ویب سائٹ لوکیشن سروس استعمال کرتی ہے تو اس کا رنگ سرمئی ہوجاتا ہے۔ لیکن اگر آپ کی زیر استعمال ایپ آپ کی لوکیشن تک رسائی کی کوشش کرے تو اس کا رنگ نیلا ہوجاتا ہے۔ہوم اسکرین پر ایپ کے ساتھ بھی نیلا نقطہ نمو دار ہوتا ہے جس کا مطلب ہوتا ہے ایپ حال ہی میں اپ ڈیٹ ہوئی ہے اور اس میں کوئی فکر کی بات نہیں ہوتی۔
