لاہور(نیوز ڈیسک) پنجاب پولیس میں بڑے پیمانے پر تقرریاں و تبادلے،9 ایس پیز اور 35 ڈی ایس پیز کو تبدیل کر دیا گیا۔تفصیلات کے مطابق انسپکٹر جنرل پنجاب پولیس ڈاکٹر عثمان انور نے 44 پولیس افسران کے تقرر و تبادلوں کے احکامات جاری کیے جاری کردہ نوٹیفکیشن کے مطابق تبدیل ہونے والے افسران میں 9 ایس پی ،35 ڈی ایس پی شامل ہیں۔ عاصم افتخار ایس پی سیکیورٹی ایس پی یو پنجاب، عمر فاروق سلامت ایس ایس پی پولیس اسکول آف انٹیلی جنس لاہور، مستنصر عطا باجوہ ایس پی بٹالین کمانڈر 7 پنجاب کانسٹیبلری ،احمد محی الدین ایس پی آپریشنز سی ٹی ڈی پنجاب، قیصر مشتاق ایس پی صدر ڈویژن گوجرانوالہ جبکہ رضوان طارق ایس پی سول لائنز ڈویژن گوجرانوالہ تعینات کردیا گیا۔