اسلام آباد(نیوزڈیسک) سابق وزیراعظم عمران خان کی گرفتاری کے بعد جی ایچ کیو راولپنڈی پر حملہ آور ہونیوالوں کی تصاویر جاری کردی ۔9 عمران خان کی گرفتاری کے بعد پی ٹی آئی کارکنان نے ملک بھر میں احتجاجی مظاہرے کئے لاہور میں کور کمانڈر ہائوس کو جلایا جبکہ راولپنڈی میں جی ایچ کیو گیٹ پر توڑ پھوڑ کی جن کی تصاویر جاری کردی گئی ہیں۔پرتشدد مظاہروں میں 4 خواتین سمیت14 افراد کی شناخت کرلی گئی،ذرائع کے مطابق شناخت کئے گئے لوگوں میں 9 افراد کا تعلق راولپنڈی، 3 کا اسلام آباد، ایک کاکراچی اور ایک کا چکوال کا رہائشی ہے ۔ذرائع کا کہنا ہے کہ پرتشدد مظاہروں میں شامل 300 سے زائد افراد کی شناخت کا عمل مکمل کرلیا ، ساتھ ہی حکومتی اور دفاعی املاک کو نقصان پہنچانے والوں کی گرفتاریوں میں تیزی آگئی۔
