اسلام آباد(نیوزڈیصک)وفاقی وزیر احسن اقبال نے کہا ہے کہ بحرانوں کو حل کرنے کے لیے سب کو ایک ایک قدم پیچھے ہٹنا پڑے گا۔میڈیا سے با ت چیت میںا نہوں نے کہا کہ اس وقت جمہوری قوتیں پارلیمنٹ کی پشت پر کھڑی ہیں۔احسن اقبال نے کہا کہ عدلیہ پارلیمنٹ کی قانون سازی کا حق سلب نہیں کر سکتی، پارلیمنٹ سپریم ادارہ ہے۔انہوں نے مزید کہا کہ بلاول بھٹو نے شنگھائی تعاون تنظیم کے وزرائے خارجہ کے اجلاس میں شرکت کی، اگر وہ بھارت نہ جاتے تو یہ بھارت کا نہیں بلکہ ایس سی او کا بائیکاٹ ہوتا۔انہوں نے یہ بھی کہا کہ اس تنظیم کا محور خطے میں علاقائی امن اور باہمی تعاون کو فروغ دینا رہا ہے۔
