اسلام آباد (نیوز ڈیسک) الیکشن کمیشن آف پاکستان نے کہا کہ پرامن طریقے سے پولنگ کا عمل جاری ،چند شکایات تھی جنہیں حل کرلیا گیا ہے ۔تفصیلات کے مطابق ترجمان الیکشن کمیشن نے کہا ہے کہ سندھ کے 24 اضلاع میں ضمنی بلدیاتی انتخابات مقررہ وقت پر شروع ہوئے، معمولی نوعیت کے لڑائی جھگڑوں کے حوالے سے چند پولنگ اسٹیشنوں پر جو شکایات تھیں ان کو موقع پر حل کیا گیا۔انتخابات کی پولنگ کی مرکزی کنٹرول روم اسلام آباد سے نگرانی کی جا رہی ہے،اسپیشل سیکریٹری الیکشن کمیشن ظفر اقبال مرکزی کنٹرول روم میں مانیٹرنگ ٹیم کے ہمراہ موجود ہیں۔