ملتان (نیوزڈیسک)پاکستان تحریک انصاف (پی ٹی آئی) کے وائس چیئرمین شاہ محمود قریشی نے کہا ہے کہ بلاول بھٹو زرداری نے تنقید کو خود دعوت دی ہے۔ میڈیا سے گفتگو میں پی ٹی آئی کے وائس چیئرمین شاہ محمود قریشی نے کہا کہ بھارتی وزیر خارجہ کے بیان کی مذمت کرتے ہیں، میزبانی کے آداب ہوتے ہیں، مہمانوں کی عزت کی جاتی ہے۔ان کا کہناتھا کہ میں بلاول بھٹو زرداری کےلیے نہیں پاکستان کے وزیر خارجہ کے لیے بول رہا ہوں۔انہوںنے مزید کہا کہ پوچھتا ہوں کیا جواز تھا کہ آپ پاکستان کو دہشت گردی سے جوڑ دیں؟ اس کا کوئی جواز نہیں بنتا۔انہوں نے کہاکہ 5 اگست 2019ء کے اقدامات کی ناصرف پاکستان نے بلکہ کشمیریوں نے بھی مذمت کی۔انہوں نے یہ بھی کہا کہ بھارت کس طرح دہشت گردی کو ہوا دے رہا ہے کلبھوشن اس کا ثبوت ہے۔انہوں نے کہا کہ بھارت بتائے کیا اُس کا جاسوس کلبھوشن بلوچستان میں خیر سگالی کے دورے پر آیا تھا؟وائس چیئرمین نے کہا کہ آج ملک بھر میں ججز کے ساتھ اظہار یکجہتی ہوگی، اسلام آباد میں دفعہ 144 لگا دی گئی ہے۔انہوں نے کہاکہ ہم نے آئین کا دفاع کرنا ہے، یکے بعد دیگرے سپریم کورٹ میں پی ڈی ایم جماعتوں نے مذاکرات کی خواہش کا اظہار کیا۔ان کا کہنا تھ اکہ پی ڈی ایم والے چاہتے تھے کہ ملک میں انتخابات بیک وقت ہوں۔شاہ محمود قریشی نے کہاکہ ہم نے سب کچھ قومی اتفاق رائے کے لیے کیا انہوں نے تو کچھ بھی نہیں کیا، ہم نے پوری کوشش کی لیکن اتفاق نہیں ہوسکا۔

https://youtu.be/281f0uR9ypo