کراچی(نیوزڈیسک)شہر قائد کے علاقے لیاری یونیورسٹی میں فیسٹیول کےدوران بھارتی فلم دکھانے پر وزیر جامعات سندھ اسماعیل راہو نے نوٹس لیتے ہوئے 3 رکنی کمیٹی تشکیل دے دی ہے ۔ لیاری میں قائم بے نظیر بھٹو شہید یونیورسٹی میں اسٹوڈنٹ فیسٹیول کے دوران طلبہ کو بھارتی فلم دکھائے جانے کا انکشاف ہوا ہے، جس میں نامناسب لباس اور غیر اخلاقی رقص بھی طالب علموں نے دیکھا۔انتظامیہ نے کہا کہ یونیورسٹی اس طرح کی بُری مثال کی کسی صورت بھی اجازت نہیں دے گی ، وزیر جامعات اسماعیل راہو نے نوٹس لیتے ہوئے 3 رکنی کمیٹی تشکیل دے دی اور کہاہے کہ معاملے کی تحقیقات کی جائے گی، کمیٹی کی سربراہی ایڈیشنل سیکرٹری جامعات و بورڈز عبدالفتاح کریں گے، کمیٹی تحقیقات کرکے 14 روز میں رپورٹ پیش کرے گی۔تحقیقات مکمل ہونے کے بعد ذمے داران کے خلاف کارروائی کی جائے گی۔

https://youtu.be/281f0uR9ypo