اسلام آباد ( نیوز ڈیسک) وفاقی وزیر اطلاعات ونشریات مریم اورنگزیب کا کہنا تھا کہ عمران خان بجٹ کی آپ فکر نہ کریں، تم نے جو کرنا تھا کر لیا، سلیکٹ ہو کر دوبارہ آنے کی سہولت ختم سہولت کار جا چکے ہیں۔مریم اورنگزیب نے اپنے بیان میں کہا کہ اب بس، ملک میں آر ٹی ایس ٹھیک ہو چکا ہے، اب آٹا، چینی، بجلی، گیس مافیا کا نہیں بلکہ عوام کا بجٹ بنے گا۔اقتدار کی خاطر پنجاب اورخیبر پختونخوا کے مینڈیٹ کی توہین تم نے کی، معاشی تباہی، مہنگائی، بیروزگاری لانے اور ملک کو خارجہ محاذ پر تنہا کرنیوالی حکومت اب کسی صورت نہیں آئے گی، بشریٰ بیگم اور فرح گوگی کیلئے بجٹ نہیں بنے گا، اقتدار کی خاطر عمران خان تم نے سائفر کی سازش کی، پی ٹی آئی تمہاری نااہلی کے باعث کریش ہوگئی۔وفاقی وزیرکا کہنا تھا کہ الیکشن ایک ساتھ اور آئینی مدت پوری ہونے پر ہی ہونگے، الیکشن ہوگا لیکن فارن ایجنٹ سڑکوں پر چیخے گا چلائے گا۔
