کراچی(نیوزڈیسک)کراچی کے علاقے سرجانی ٹائون میں فائرنگ واقعے میں پولیس اہلکار جاں بحق ہوگیا۔منگھو پیر تھانے میں تعینات اہلکار کی شناخت عظیم اقبال کے نام سے ہوئی، جو سادہ لباس میں موٹر سائیکل پر سوار تھا کہ نامعلوم افراد نے گولیوں سے چھلنے کردیا ۔ ملزم جائے وقوعہ سے فرار ہوگئے۔پولیس حکام کا کہنا ہے کہ مقتول پولیس اہلکار سے کسی قسم کی کوئی چیز نہیں چھینی گئی۔ اہل کار کے پاس سے ایک 30 بور پستول، موبائل فون ،پرس ،نقد رقم اورموٹرسائیکل ملی ۔مقتول اہلکار گزشتہ شب شادی کی تقریب میں گیاتھا۔پولیس نے جائے وقوع سے 30 بور پستول کے خول برآمد کرکے تحقیقات شروع کردی ہے۔